Útiseta - Drappaður (2,842 Niðurstöður)

Val á húsgögnum fyrir útisvæðið

Hvað er garður eða bakgarður án frábærra sæta utandyra? Góð útihúsgögn umbreyta útisvæðinu í hagnýtt og þægilegt rými til að sleikja sólina, hafa það notalegt með vinum og vandamönnum eða borða undir berum himni. Það er mikilvægt að þú veljir réttu húsgögnin ef þig langar til að geta notið útirýmisins og því skaltu velja skynsamlega.

En hvaða útihúsgögn ættirðu að velja? Það eru allskyns þættir sem þarf að hafa í huga við val á sætislausn útivið, hvort sem það er efni eða litir sem passa við hönnun garðsins. Ef þú ert í leit að réttu sætislausninni en veist ekki hvar þú átt að byrja, þá getum við svo sannarlega aðstoðað þig. Við höfum tekið saman þessar ítarlegu leiðbeiningar til að hjálpa þér að finna réttu útihúsgögnin fyrir útisvæðið þitt.

Hvaða sætislausnir eru til í garðinn?

Hægt er að setja útisæti í mismunandi flokka allt eftir notkuninni. Þú getur valið húsgagnasett eða stök húsgögn sem henta þínum þörfum. Skoðum aðeins mismunandi lausnir sem þú getur valið fyrir útisvæðið.

Borðstofuhúsgögn í garðinn

Eins og nafnið gefur til kynna þá eru þessi útihúsgögn hönnuð fyrir borðhald undir berum himni. Þegar þú verslar borðstofuhúsgögn fyrir útisvæðið þá er gott að taka mið af stærð og skipulagi svæðisins. Mundu að rétthyrnd borð þurfa meira pláss, á meðan hringlaga eða sporöskjulaga borð eru fullkomin fyrir lítil eða þröng rými. Þú þarft einnig að velja garðsæti sem henta útisvæðinu þínu. Staflanlegir stólar og bekkir eru til dæmis tilvaldir fyrir lítil rými. Ef þú vilt hafa þægindin í fyrirrúmi þá gæti verið sniðugt að velja snúningsplötu á garðborðið til að setja mat á svo að fólk þurfi ekki að standa upp eða beygja sig yfir aðra til að ná diskum eða fötum.

Slökunarhúsgögn á útisvæðið

Þessi tegund útihúsgagna hjálpar þér að yfirfæra þægindin og fegurðina af heimilinu út í garð. Útisófar eru fáanlegir í mismunandi efnum, stærðum og gerðum og eru hannaðir fyrir öll útisvæði. Valið ætti að fara eftir því hver mun nota sófann og hversu oft þú færð gesti. Sófar í einingum eru stillanlegir, sem gerir þér kleift að sníða rýmið algjörlega eftir þínum eigin þörfum. Á hinn bóginn eru hornsófar frábærir til að fá sem mest úr garðrýminu. Hafðu sófapúðana í huga þar sem þeir hafa mikil áhrif á þægindin. Þar að auki eru flestir útisófar ekki með bólstruðum örmum og ef þú vilt hafa þægindin í fyrirrúmi þá er sniðugt að íhuga legubekk eða aukapúða.

Hægindastólar í garðinn

Útihægindastólar gera þér kleift að sleikja sólina og njóta útiverunnar með stæl. Þetta húsgagn er með hallabúnaði og fótskemli fyrir fullkomin þægindi. Þegar þú verslar sófa með hallavirkni þá skaltu velja módel með sjálfstæðum hallapörtum svo þú getir lagst aftur jafnvel þótt einhver annar sitji í sófanum á uppréttan hátt. Þú þarft einnig að tryggja að bakhliðin sé nógu há til að vera þægileg fyrir þig. Athugaðu líka hallahorn stólsins þar sem sumar gerðir hallast lengra aftur en aðrar.

Sólbekkir

Sólbekkir eru tilvaldir fyrir afslappaðar helgar eða sólbað þar sem þeir eru í vinnuhollri hönnun og með ýmsum hallastillingum. Þetta gerir þér kleift að leggjast niður þegar þú sleikir sólina eða setjast upp þegar þig langar til að slaka á yfir tímariti eða svaladrykk. Eins og með útisófa þá mælum við með því að þú veitir bólstruninni athygli, þar sem hún ákvarðar hversu þægilegur bekkurinn er í notkun. Ef þig langar sérstaklega í sólbekk til að geta sleikt sólina þá mælum við með því að þú veljir bekk á hjólum svo auðvelt sé að færa hann.

Hvað er besta efnið fyrir útisæti?

Útisæti eru fáanleg í mismunandi efnum. Hvert efni hefur sína kosti og galla, en efnið sem þú velur hefur áhrif á útlit og endingu garðhúsgagnanna. Hér að neðan skoðum við mismunandi efni til að auðvelda þér valið.

Viður

Viður er sígildur og tímalaus, svo ekki sé minnst á traustur og endingargóður. Viðargarðhúsgögn auka hlýju og náttúrulega fegurð eignarinnar og gera þér kleift að setjast niður í garðinum. Þú getur annaðhvort valið mjúkvið eða harðvið, en harðviður er vinsælasti kosturinn í garðhúsgögn þar sem hann stenst erfið veðurskilyrði. Tekkviður er einn af vinsælustu harðviðunum og hann er oft notaður í garðhúsgögn þar sem hann er með háu olíuinnihaldi og er því með góðu þoli gegn vökva og termítum. Útihúsgögn úr viði þurfa hins vegar reglulegt viðhald til að þau haldist í toppstandi.

Málmur

Málmur er sterkasta efnið með bestu endinguna. Líkt og með við þá hefurðu úr ýmsum tegundum af málmi að velja. Þetta gæti til dæmis verið steypujárn, ál eða ryðfrítt stál. Steypujárn er þungt, sem getur verið afar þægilegt ef þú býrð á vindasömu svæði. Þannig þarftu ekki að hafa áhyggjur af því að húsgögnin fjúki þegar mikið rok er. Steypujárn er hins vegar næmt gegn ryði og þarf reglulegt viðhald. Ál er viðhaldslítill valkostur sem hvorki ryðgar né tærist nema það sé notað á svæðum nálægt saltvatni. Einnig er hægt að móta það í nánast hvaða form sem er. Garðhúsgögn úr ryðfríu stáli státa af öllum eiginleikum áls og þau þola auk þess raka og saltað loft.

Plast

Garðhúsgögn úr plasti eru einn vinsælasti kosturinn þar sem þau eru létt, auðveld í viðhaldi og ódýr. Útisæti úr þessu efni ryðga ekki né tærast, jafnvel í söltu lofti. Að auki fást útihúsgögn úr plasti í ýmsum litum, stílum og gerðum. Þú getur skilið þessi húsgögn eftir úti allan ársins hring. Helsti galli plasts er að það er viðkvæmt í samanburði við önnur efni eins og við og málm. Léttleiki plasts getur einnig verið til vandræða varðandi stöðugleika.

Efni

Bólstruð húsgögn eru fullkomin ef þú ert í leit að þægilegum sætislausnum. Náttúruleg efni þola hins vegar ekki erfið veðurskilyrði og því eru gerviefni mun algengari í gerð garðhúsgagna. Algengustu valkostirnir eru akrýl, pólýester og vinýl. Þessi efni anda vel og standast einnig erfiða veðráttu. En öll efni þurfa þó reglulega hreinsun. Það er einnig ráðlegt að þú færir húsgögn með tauefni inn þegar veðrið er leiðinlegt.

Rattan

Rattan er eitt vinsælasta efnið fyrir útihúsgögn. Þetta er sjálfbært og vistvænt efni þar sem það er unnið úr vínviði sem er fljótur að vaxa - ólíkt viði sem krefst þess að heilu trén séu höggvin niður. Þar að auki geta rattanhúsgögn verið úti allan ársins hring án þess að skemmast. Svo lengi sem þú hugsar af og til um húsgögnin þá ættu þau að haldast í toppstandi í áraraðir. Þótt það sé ekki ráðlegt að láta rattan bókstaflega liggja í vatni þá ætti vatnslökkun að nægja til að halda efninu vatnsþolnu.

Hvaða sætisstíl ættirðu að velja í garðinn?

Þótt útisæti þurfi að vera bæði slitsterk og veðurþolin þá þýðir það ekki að þau geti ekki verið stílhrein. Útisvæðið þitt ætti í rauninni að vera framlenging af heimilinu innivið. Ef þú veist hvaða garðhúsgögn þú átt að velja þá getur það gert gæfumuninn við að gefa heimilinu fallegt heildarútlit. Hér eru nokkrir mismunandi stílar fyrir útisæti sem gætu passað vel við innisvæðið.

Nútímalegur stíll

Flest nútímaleg garðhúsgögn hafa tilhneigingu til að vera mjög stór. Þau eru líka oft í minimalískri hönnun. Nútímaleg útisvæði eiga rætur sínar að rekja til sjötta og sjöunda áratugar síðustu aldar. Með því að bæta nýmóðins húsgögnum við nútímalegan garð seturðu snert af fágun á svæðið. Vinsælustu efnin fyrir nútímaleg garðsæti eru viður, málmur eða jafnvel steinsteypa.

Sveitastíll

Ef útisvæðið þitt er í sveitastíl þá eru viðarhúsgögn besti kosturinn fyrir þig. Þennan garðstíl má rekja til 17. aldar og hann hefur tekið miklum breytingum í gegnum árin. Nútímalegur sveitastíll í garðinum er oft með húsgögnum í mismunandi viðartegundum á borð við tekk eða bambus. Útisæti úr þessum efnum eru ekki aðeins veðurþolin heldur einnig sterk.

Retrólegur stíll

Húsgögn frá fimmta, sjöunda og áttunda áratugnum hafa fengið nýtt líf í görðum í retrólegum stíl. Útisæti í þessum garðstíl eru mestmegnis gerð úr málmi og viði. Þau fást einnig í mismunandi stærðum, stílum og hönnunum.

Grófur stíll

Ef þú ert með kofa í borginni, sveitinni eða á ströndinni þá eru gróf húsgögn alveg tilvalin á útisvæðið. Húsgögn úr rauðgreni og timbri eru tveir af algengustu kostunum þegar kemur að görðum í grófum stíl. Flestir nútímalegir stólar úr rauðgreni eru gerðir úr gegnheilum viði og þjöppuðum spónaplötum, á meðan timburhúsgögn eru gerð úr trjábolum og greinum.

Hvernig þú viðheldur garðhúsgögnunum þínum

Eins og með húsgögn á heimilinu þá þarf að viðhalda útisætum til að þau haldist í toppstandi í áraraðir. Sem betur fer þola flest útihúsgögn erfið veðurskilyrði og því ættu þau að endast nokkuð lengi svo lengi sem þú hugsar vel um þau. Hér eru nokkur ráð varðandi viðhald sem gott er að hafa bakvið eyrað.

• Þrífðu húsgögnin reglulega

Auðveldasta leiðin til að viðhalda húsgögnunum þínum er að þurrka af þeim með rökum klút. Ryk og óhreinindi safnast upp á húsgögnunum á hverjum degi og þrifin ættu því að tryggja að húsgögnin haldist í góðu ásigkomulagi.

• Notaðu yfirbreiðslur fyrir húsgögnin

Fjárfesting í yfirbreiðslum fyrir húsgögnin er frábær leið til að halda húsgögnunum svo gott sem nýjum. Yfirbreiðslurnar eru yfirleitt UV- og vatnsþolnar til að vernda húsgögnin gegn leiðinlegu veðri.

• Geymdu húsgögnin þín innivið í slæmu veðri

Það getur verið mjög gott að geyma húsgögn innivið þegar veðrið er leiðinlegt. Efni eins og rattan og viður geta auðveldlega rýrnað mjög hratt á veturna. Ef þú geymir húsgögnin inni þá verndarðu þau gegn veðrinu.

Verslaðu útihúsgögn hjá vidaXL

Ef þú ert í leit að hágæðahúsgögnum svo að þú getir sitið í garðinum í rólegheitum, þá þarftu ekki að leita lengra en til vidaXL. Við bjóðum upp á mikið úrval af garðhúsgögnum í mismunandi efnum, stærðum og stílum sem henta þínum þörfum. Við höfum alltaf lagt mikla áherslu á að bjóða viðskiptavinum okkar upp á bestu húsgögnin og því bjóðum við aðeins upp á útihúsgögn frá leiðandi framleiðendum. Skoðaðu úrvalið okkar í dag til að finna réttu sætin fyrir útisvæðið þitt.